اولادك عصبيين وبقيتى بتتنرفزى من تصرفاتهم
وبتسألى نفسك ليه هما كده مع انى مش عصبيه ؟
طيب ممكن ترجعى كده كام سنه ورا لما كان ابنك بيعيط
وانتى تشخطى فيه!
طيب لما كان بيسألك على حاجه وانتى مش فاهمه كلامه !
ها اكمل ولا افتكرتم خلاص مواقف كتيره بنعملها من غير ما نشعر بتساهم كتير قوى فى تربية اولادنا .
الأطفال ذاكرتهم قويه جدا جدا وبفتكروا اى تصرف كان بيتعمل معاهم وهما صغيرين
يعنى بيتعلموا ان صوتهم يبقى عالى وانا بتكلم علشان ماما او بابا يعملى اللى انا عاوزه
بيتعلموا انهم ما يستنوش يسمعوا اللى انتى بتقوليه ويصرخوا قبل ما تكملى كلامك علشان كان بيتعمل فيهم كده
طيب والحل ايه بقى ما اللى حصل حصل
أعمل ايه؟؟؟؟
الحل :
لما يجى ابنك يزعق او يصرخ اوعى تردى عليه هو هيستغرب انك ساكته خالص ومش بتتكلمى هيبتدى هو يسكت ويلم نفسه.
حاولى لما تلاقيه بيشخط او بيتنرفز ما تبصيش عليه لان هو بيعمل كده ليلفت انتباهك وامسكى نفسك على قد ما تقدرى .
النقطه دى مهمه جدا ركزى معايا لما يجى ابنك يكلمك وتلاقى صوته عالى وهو بيكلمك اوعى تعملى فيه كده لا امسكى نفسك وكلميه وانتى صوتك واااااطى خالص وفهميه ان كده غلط وعيب انه يزعق ويعلي صوته عليكى ونفس الكلام لو عمل كده مع باباه خليكم متفقيين على كده .
حاولى تتعملى معاه بأسلوب الثواب والعقاب يعنى لما يعمل حاجه كويسه اديله الحاجه اللى بيحبها وشجعيه ولما يعمل الغلط فاهميه براحه وعاقبيه بحرمانه من حاجه بيحبها بس لفتره قصيره علشان ما يبقاش قاسى عليكى
اوعى تضربيه على قد ما تقدرى امسكى ايدك من موضوع الضرب ده لانك هتعلميه العنف عن طريق ضربك ليه .
وان شاء الله اللى انكسر يتصلح وولادك يبطلوا عصبيه
