ربنا رزقنى ببنتين هم فلزة كبدى وقررت اربيهم بطريقة مختلفة بتخطيط مسبق لكى انشىء بهم جيلا صالحا
ومن لطائف ما اسعملتة معهم الخيال
قررنا ان نجعل يومناا مقسم اللى قسمين
1- نروح خلية النحل وفيها بنتى الكبرى اسميها هنى بمعنى العسل والثانية اسمها كوين الملكة
ونبتدى ننظف المنزل بطريقة مرحة جدا ثم
2- نذهب الى فاميلى سكول مدرسة العائلة وفيا انا بودعهم من الحجرة واستقبلهم فى الكلاس باسم تانى وفقرتها كالتالى
*نحفظ سورة من السور الصغيرة فى القران ثم حديث واشرحلهم بطريقة المواقف او الحكاية البسطة
*فقرة الرياضة وفيها نجرى التراك(نلف الشقة) ونغىى واحنا بنكمل التمرينات (صباح الخير يادنيا جود مورننج بنجور ردى علينا يادنيا وقولى صباح النور ) وحاجات مشابههة وطبعا بضحك ونهزر فى هذة الاثناء ثم نعود للكلاس (الطربيزة والكرسيين اللى مجهزنهم) ونحكى قصة أشرحلهم فيها معلومات قيمة عن الاخلاق والثقافة الاسلامية ودي اما بتكون اما قصة رسول او شخصية صالحة من الصحابة او غرهم
*ثم فقرة الرسم والابتكارات وكنا بنبدع فيها
* فقرة مسرح العرايس اخر حاجة وفيها كنت بغطى ظهر الكرسى واجلس مختباة وامسك عروسة او دباديب
من بتاعتهم واعمل انهم
بيكلموهم ويحكلهم شىء متعلق بما تعلمناة هذا اليوم والاخر يقولوا لبعض باى ويروحو لماما التى تستقبلهم ابالاحضان
(وهما بودعوا مسرح العرايس اقوم عند باب الحجرة كانى مستنية رجوعهم )
ونا بنعمل كدة 3 ايام بالاسبوع فى الصيف لمدة 7 سنوات وطبعا كنا بنغير ونبتكر والان همة بيخططو ليومهم مع بعضهم لما وصلوا المرحلة الاعدادية وكل واحدة له اجندتها الخاصة والاولى هدفها كلية الالسن والثانية هدفها طبيبة وكان مجمعها هذا العام 99%
نسيت اقول ان العيلة لما بحكلها على اللى بعمله دة منهم من يشجع ومنهم من يقول انتى فاضية ازاى الكلام دة ومنهم من يستغرب ومنهم من يفتكر انى ببالغ وانتم هتقولوا على اية مستنيا ردكم
ليست هناك تعليقات:
إرسال تعليق