احذري أن تدمري طفلك بكلمه

لابد من ان تقتنعى بان مفيش طفل سئ بطبعه لكن ...........انتى التى تجعليه كذلك . نعم انتى بتصرفاتك وكلماتك معاه .

سر تكوين شخصيه الطفل هى :
                   "الكلـــــمــــــــه"
 
  فهى أساس تربيه طفل بعقليه ناضجه وخلق قويم ونفسيه سويه ، أى ان تربيه الطفل تعتمد فى الاساس الاول على كلماتك الموجه فكما قال الله الكلمه الطيبه اصلها ثابت وفرعها فى السماء وكذلك الكلمه السيئه اصلها ثابت وفرعها فى السماء ، هيا بنا لنتعرف على كيفيه توجيه اولادنا بالكلمه الطيبه

  نحن بنوجه أبناءنا وبنحاسبهم سواء بالمدح او بالتوبيخ على حسب أفعالهم بكلمات وأحيانا بيكون رد فعلنا عباره عن أفعال بس بيتوسطها بردو كلمات عشان كده خلى بالك من كلماتك أرجوكى لان الطفل بيتأثر بكلماتك وساعات كتير بيكررها لان انتى المصدر الاول اللى بيستنبط منه كل ما يتعلمه من كلمات بقى او افعال .

هذه الحاجات اللى المفروض تاخدى بالك منها وانتى بتتعاملى مع طفلك :

      شتيمة طفلك بأسماء الحيوانات زى كلب .....حمار ............حيوان ...........وغيرها ودى طبعا حتخليه يتلفظ بكل الالفاظ دى على طول وطبعا مش محتاجه اقوللك انك كده بتدمرى ابنك وبتهينيه.

     اهانه الطفل بوصف شكله زى أعرج ..........أحول ,,,,,,,,تخين ............رفيع ............اسود ........وغيرها 

     المقارنه :ما ينفعش تقارنى طفل بطفل آخر لان كل واحد ليه قدرات تختلف عن الآخر والمقارنه دى ح تخليه اولا يكره الطفل الآخر ده .ثانيا حيفقد ثقته في نفسه .ثالثا يحس انه انسان ناقص .

     الحب المشروط يعنى ما ينفعش تقوليله انه لو عمل كزا حتحبيه ولو ما عملش كده مش حتحبيه وعشان كده حتلاحظوا ان الطفل بيحب جده وجدته اكتر من ابوه وامه لانه حاسس انهم بيحبوه من غير شروط.

     الاحباط زى انت اساسا ما بتفهمش او انت مالكش لازمه او ما بتعرفش تعمل حاجه او يا خايب ...........وغيرها من كلمات اللى تحسسه انه مهما عمل مش حيقدر يوصل لارضائك ويحس انه ناقص ومش طبيعى .

     اوعى تكرهيه في ربنا .............ايوه تكرهيه .عارفه ازاى ؟؟؟؟؟؟؟؟؟؟لما تقوليله ربنا حيحرقك بالنار ..............ده ربنا ح يعذبك .

     التهديد المرعب زى مثلا حادبحك ............ح اكسرلك راسك .............اشرب من دمك ..............ح أموتك ..........

     رفض طلباته من غير أسباب .........لازم تعرفيه انك رفضتى عشان مثلا الحاجه دى مش حلوة او ممكن تضره او مثلا الوقت متأخر ........أى كلام مقنع ممكن تقوليه ومش معنى كلامى انك لازم تقولى السبب الحقيقي لأأأأأأأأأ خالص مش ده اللى أقصده بس لازم تقنعيه بالرفض عشان ما يكرهكيش .

 حذارى من الدعاء عليه زى ......ربنا ياخدك ..........الله يلعن...........يارب تموت ..............لان دعائك ممكن يوافق ساعه اجابه وربنا يستجيب .ربنا يحفظ لنا اولادنا يا رب .

      واخيرا انك تفضحيه وتقولى امام كل الناس مثلا انه عمل على نفسه او سرق حاجه وما كانش يعرف انها حرام او تحرجيه قدام الناس وتشتكى منه .