تعالوا نعتذر لابنائنا ونعلمهم كلمه ( أنا أسف )

ولادنا كتير بيغلطوا

       ان تربيه الطفل ليس معناه ان نتسلط عليهم واذا أخطئو فى شئ نفرض عليهم الاعتذار أما اذا اخطأنا نحن فلا ، من قال هذا ،فلا بد أن تعتذر الام لطفلها اذا اخطئت فى حقه او عاملته بقسوة وهيا فى لحظه عصبيه ، 

مهمتنا بقى يا امهات اننا نوجه اولادنا .. ومش بالكلام لاء بالتصرفات

موضوعى اللى هاتكلم معاكم فيه انهارده كتير من الامهات غافليين عنه ..

( مبنعتذرش لابنائنا )

بس المهم اوى لما يغلطوا لازم يعتذروا .. مش معاكم على فكره

لان كتير اوووووووووى بنتعصب عليهم وحاجات بتكون فارغه او لا تستدعى فعلا ان يكون ده رد فعلنا

الطفل بطبيعته حساس جدا وذكى ..

* لازم تتكلمى معاه وسيبيه يعبرلك ان تصرفك معاه أثر فيه وزعله واسمعى للنهايه

وبعد ما تسمعيه اعترفى انك غلطى ومن غير ما طلعى مبررات

( اصل انت شقى ) ( انا كنت تعبانه ومتعصبه )

الاساس هنا هو تعليم الطفل الثقه بالنفس والاعتراف بالخطاء دون حرج او خوف

وكمان لازم توصليله ان كلمه ( انا اسف ) مش خلاص كده نسينا اللى حصل لاء

انت بتعتذر علشان مقتنع وعارف ان غلطت ولازم نصحح الغلط ده ..

( وطبعا دورك انتى تعملى كده )

اتكلمى معاه ناقشيه . تفتكر ممكن اعمل اييه علشان ارضيك . ( زى ما هو مطلوب منه ارضائك )

( الدرس المستفاد هنا أن الطفل يدرك أن من أفسد شىء فعليه بإصلاحه. )  
طيب لو حصل واخطأتى علنيه بقى عندك ضيوف صحباتك فى النادى ..

انتهزيها فرصه واعتذرى قدام الناس .. ( لن يتردد فى فعل الشئ نفسه لما يكبر )

لكن نصيحه عليكى الالتزام لو واجهتى نفس الموقف فى المستقبل

( فالأطفال يمكنهم أن يروا جيداً التناقض بين الأقوال والأفعال.)

وطبعا كل موضوعاتى اللى بتكلم فيها عن الاطفال لازم اقولكم ان اهم حاجه فى التربيه .( الحب )

لازم تاكدى لطفلك حبك لييه .. وعرفيه ان مهما كنتى عصبيه او زعقتى فده مش دليل ان مبتحبيهوش
في النهاية متنسيش أن الاطفال قلوبهم بيضا وبيسامحوا ويتراضوا بسرعه

دائماً افتكرى أن ما يتعلمه أطفالك من تصرفات، هو ما ستأخذيه منهم بالمقابل.